زي ما كتبت في المقالة اللي فاتت https://www.masryfemadrid.com/2023/01/29/first-things-to-do-when-you-arrive/
انك لازم من الخطوات الأولى بعد ما تأجر مكان، انك تسجل السكن عشان هاتحتاج الشهادة دي لخدمات كتير، منها:
- دعوة زيارة
- شهادة الصحة
- …
عشان كده حاول تعمل الشهادة دي في اسرع وقت ممكن.
متطلبات الشهادة دي:
- عقد الأيجار اصل وصورة
- اقامات كل اللي ساكنين في البيت
- لو حد فوق ١٨ سنة لازم يروح بنفسه او يعمل توكيل ليك عشان تسجله
للتسجيل أو تغيير معلومات بتحتاج معاد تاخده من اللنك ده: https://gestionturnos.madrid.es/GNSIS_WBCIUDADANO/tramiteDia.do
تختار من اللستة الأولى: Padron y censo
ومن التانية: Alta y baja…..
بعدها تختار اليوم والساعة وأقرب مكان ليك، وتدخل بياناتك، يوم المقابلة تروح ومعاك الأوراق اللي فوق وهاتاخد الشهادة وانت ماشي.
عشان تطلع نسخة تانية منها، او تشوف بياناتك عند الحكومة، هاتحتاج تروح وتاخد معاد تاني، او ممكن توفر كل ده وتعمل الDigital certificate أو الCl@ve ودي هاتخليك تعمل كل ده وانت في البيت.
ملحوظة الكلام ده عند التجربة في مدريد، ممكن يكون فيه بعض الاختلافات في الأماكن التانية..