المواقع الحكومية في اسبانيا بتعرف الاشخاص اللي داخلين عليها من خلال حاجة من ٣:
- Digital certificate
- Cl@ve
- Cl@ve pin
التلات طرق كل واحدة ليها طريقة لعملهم، بس اللي بتدخل على كل المواقع الحكومية هي الDigital certificate.
الشهادة دي هي فايل بيجيلك عالميل، بتسطبه عالموبايل او اللاب توب، واي موقع حكومي تخش عليه تختار تعريف بالشهادة بيقرأه تلقائي ويدخلك على بياناتك على طول.
في كذا نوع للشهادات، بس هنا انا شارح طريقة نوع اسمه Camerfirma.
كل الشهادات زي بعض مفيش اي فروق في طريقة التعريف على المواقع.
طريقة عمل الشهادة:
- تخش على موقع Camerfirma https://www.camerfirma.com/certificados-digitales/certificado-cualificado-de-ciudadano/
- انزل لتحت واختار المنطقة اللي انت تبعها، معظم المناطق معاها اتفاقات مع الموقع والشهادة من غير فلوس.
- املا بياناتك كلها، الايميل والتليفون اهم حاجة عشان هايجيلك عليه الشهادة.
- بعد اما تخلص هايجيلك كود عالميل، احفظه.
- بعدها هاتخش على موقع https://gestiona7.madrid.org/CTAC_CITA/OFIREG بالنسبة لمدريد، وتحدد معاد تبع Concerjeria de Economica, Hacienda.
- اختار المكان، بعدها اختار نوع المعاد Digital certificate camerfirma.
- هاتروح المعاد ومعاك الاقامة والباسبور، هاتأكد الايميل معاهم والموبايل.
- هايبعتولك لينك عالميل، هاتخش عليه هايطلب منك كود، تحط الكود اللي جالك في خطوة ٤.
- هايجيلك الشهادة تنزلها وهايبعتولك ميل فيه باسوورد تاني وكود لاسترجاعها لو ضاع منك الكود.
- نزل الشهادة على الموبايل او اللاب تون، وانت بتسطبها هايطلب منك كود تدخل الباسوورد اللي جتلك في الخطوة اللي فاتت.
- احفظ نسخة من الشهادة على جوجل درايف او اي مكان تاني عشان تلاقيها لو غيرت الجهاز.
كده انت كل اما تخش على موقع حكومي وتعمل تسجيل دخول هايتعرف تلقائي كل ما عليك تختار بس انك بتعرف بالشهادة