اسبانيا مش من الدول اللي بتدي الجنسية للي بيتولدو فيها مباشرة، بس فيه في القانون طريقة الطفل ياخد بيها الجنسية.
الشروط كالتالي:
- الطفل يتولد في اسبانيا ويكون ابوه او امه مقيم رسمي في اسبانيا، إقامة عمل مش دراسة
- الطفل ياخد جنسيه اهله عادي ويقدم على الإقامة في اسبانيا
- الطفل يقيم رسمي في اسبانيا لمدة سنة (معاه من ساعة الولادة لحد اما يبقى عنده ١٨ سنة عشان يحقق الشرط ده)
- بعد اما يكمل سنة إقامة رسمي، من حقه يقدم عالجنسية، وساعتها بتاخد من ٦ شهور لحد سنة ونص لحد اما يتوافق عليها، بعدها يكمل اجراءات التسجيل وياخد الباسبور
- السنة الإقامة بتبتدي من ساعة ما ياخد رقم الNIE حتى لو لسة ناقص اجراءات لكرت الإقامة
يستحسن الورق يتقدم من خلال محامي، بس برضه ممكن الاب او الام يقدموله بنفسهم.
ميزة النوع ده من الجنسية انه اسهل بكتير من الجنسية للاهل، عشان مفيهوش امتحان لغة ولا المتطلبات للكبار زي السجل الجنائي…
من اكبر فوايد ان طفلك ياخد الجنسية الاسبانية، ان دلوقت من حق الاهل ياخدو إقامة ٥ سنين لو ابنهم معاه الجنسية مباشرة