برنامج “Familia Numerosa” في إسبانيا هو برنامج بيدي امتيازات ومزايا للعائلات التي فيها ثلاث أطفال أو أكتر، الفوايد بتاعتها الخصومات وامتيازات في الفواتير والمواصلات.
شروط التسجيل
- أن تكون العيلة فيها ثلاث أطفال أو أكتر
- أن يكون كل أفراد الأسرة مسجلين في سجل السكان في مدينة مدريد في الPadron
الاوراق المطلوبة
- نسخة من الاقامة أو جوازات السفر لجميع أفراد الأسرة.
- شهادات الميلاد لجميع الأطفال.
- شهادة الزواج أو إثبات الحالة العائلية.
- إثبات الإقامة (شهادة سكن) لجميع أفراد الأسرة. شهادة عائلة تشمل كل الاسرة
طريقة التقديم
ممكن تقدم الطلب من الإنترنت أو في مكاتب الخدمات الاجتماعية في مدريد.
- من الإنترنت:
محتاج تقدم الطلب من خلال الموقع بتاع مدريد. هاتملى نموذج الطلب، وتبعت كل الاوراق من خلاله - من المكتب:
محتاج تاخد معاد من هنا، وتملى الطلب وتاخد معاك كل الورق المطلوب فوق
متابعة الطلب
اول ما تقدم الطلب هايجيلك رسالة باستلامه، وبعد كده اول ما يتعمل الكروت هايجيلك رسالة تانية، وتتبعت على عنوانك، ممكن عملها ياخد لحد 5 شهور.
البطاقة بتتجدد كل فترة، وبيطلبو منك الاوراق تاني عشان التجديد
مميزات البطاقة
- خصومات على المواصلات العامة توصل ل ٥٠٪
- خصومات على الفواتير بتاعة الكهربا والغاز والمية
- تخفيضات في رسوم الدراسة
- أولوية في الحصول على الخدمات العامة
- تخليص الاوراق البطاقة والباسبور ببلاش للاسبان (لو اولادك خدو الجنسية)